Чонну ажылга хаара тудар төптен дайынчыларга деткимче хемчеглер

Президентиниң чарлааны 2025 чылда, Россияда Ада-чурт камгалакчызының чылында, тускай шериг операциязының киржикчилеринге болгаш оларның өг-бүле кежигүннеринге деткимчениң чаа хемчеглерин доктааткан.

ТР-ниң Чонну ажылга хаара тудар төвү Тывада ооң мурнундагы дайынчыларның тайбың амыдыралче дүрген киреринге идепкейлиг дузалажып турар. Дуза дилээн 153 дайынчыга хостуг ажылчын олуттарны болгаш өөредилге программаларын сүмелээн. Ооң түңнелинде шериг албан-хүлээлгезин эрттирип чораан 33 кижи күрүне деткимчезиниң дузазы-биле боттарының бизнезин ажыткан, 106 кижи мергежил өөредилгезин эрткен, а 16 кижини профессионал болгаш немелде өөредилге дамчыштыр чаа эртемни чедип ап турар.

Эрткен чылдың түңнелдери-биле алырга, регионнуң Чонну ажылга хаара тудар төвү тускай шериг операциязының киржикчилериниң болгаш оларның өг-бүле кежигүннериниң аразындан 96 хамаатыны ажылда тургускан, билдириишкин киирген кижилерниң ниити санының 63 хуузу. Оларның аразындан 38 кижи доктаамал ажылды тыпкан, 21 хамааты кадыкшыл байдалының кызыгаарлыын барымдаалап, тааржыр ажылдарда хаара туттунган.