Чоннуң ынак оюннарының бирээзи – аът чарыжынга белеткел

Республиканыӊ аът чарыжыныӊ 29-ку сезонунуӊ ажыдыышкынынга чедир каш-ла хонук арткан.

Чаа-Хөл болгаш Улуг-Хем кожууннарның төлээлери республика чергелиг аът чарыжынга белеткенип, Чөөн-Хемчик кожууннун Бора-Булакта аът кажааларын септеп, чаартып турар.

Маргылдаага кожуун, сумуларныӊ чылгычылары, тараачын арат ажыл-агыйлары, көдээ ажыл-агый кооперативтери болгаш республикада аът спортун сайзырадырынга үлүг-хуузун киирип чоруур кижилер киржир.

Бо эртер маргылдаага аът мунар 18 хар четпээн оолдарның ада-иезинден чөпшээрели болгаш чүгүрүк малдың ээзинден дилег билдириишкин база эргежок чугулазын база катап сагындырып каалы.

ТР-ниң Аът спортунуӊ федерациязы маргылдаага чүгле баш удур бүрүткедип алган спортчулар киржирин дыӊнаткан.