«Кадык камгалалы» национал төлевилелдиң чорудуу-биле Өвүр кожууннуң Чаа-Суурда, Каа-Хем кожууннуң Бүрен-Аксында, Тес-Хем кожууннуң Белдир-Арыгда, Бии-Хемниң Шивилиг арбанында фельдшер-акушер пунктуларын, Эрзин кожууннуң Мөренде эмчи амублаториязын январьның баштайгы хүннеринде ажыглалче кииргенин ТР-ниң Кадык камгалал яамызы дыңнаткан.
Республиканың беш сумузунуң чурттакчылары амгы үениң эмнелге албан черинге шынарлыг медицина дузазын алыр аргалыг апарган.
Россияның Президентизи Владимир Путинниң эгелээни «Кадык камгалалы» национал төлевилелдиң кадык камгалалының эге чадазын чаартыр программаның күүселдези-биле республиканың суурларында амгы үениң негелделери езугаар дериттинген фельдшер-акушер пунктулары база эмчи амбулаториялары ажыттынып турарын сагындыраалы.