Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
25 сентября, вс
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
Все новости Тувы
Кызыл
25 сентября, вс

Чыраа-Бажының чаартынган школазында

20 сентября 2022
22

Чөөн-Хемчик кожууннуң Чыраа-Бажы сумузунуң ортумак школазының өөреникчилери чаа өөредилге чылын чаартынган оран-савага эгелээн. Ук өөредилге чериниң үндезин септелгезин «Тудугсервис» КХН апрель дөртте эгелээш, август 18-те дооскан. Тудуг ажылдарынга тус черниң чурттакчыларын база хаара туткан.

Чыраа-Бажы ортумак школазының директору Эдуард Монгуш ажыл-чорудулгазын @tmgnews17 таныштырган.

– РФ-тиң Президентизиниң бот-идепкейи-биле үндүргени федералдыг программаның иштинде республиканың школаларының үндезин септелгезин бо чылын чоруткан.

Септелге үезинде школаның серизин, дээвиирин, электри четкизин, чылыдылга системазын, шалазын, соңгаларын, эжиктерин солаан, оран-саваны долузу-биле чаарткан, видеохайгаарал болгаш өрт медээлээр дериг-херекселди тургускан дээш, оон-даа өске ажылдар кылдынган. Тудуг ажылдарынче ниитизи-биле 100 хире кижини хаара туткан. Кол нуурузунда сумунуң чурттакчылары ажылдап турган. Олар дөрт ай дургузунда акша-төгерик ажылдап алар аргалыг болган.

Оон аңгыда, школаның материал-техниктиг баазазын чаартыры көрдүнүп турар болганда, өөреникчилерге база башкыларга таарымчалыг байдалды тургузуп, чаа дериг-херексел болгаш эт-сеп кээп турар. Чоокта чаа компьютерлер, самбыралар, шкафтар, парта болгаш сандайлар келген. Спорт залының дериг-херекселин база манап тур бис.

Ол ышкаш ук школада амгы үении-биле дериттинген «Өзүлдениң демдектери» төвү база ажылдап турар. Чыраа-Бажы сумузунуң школазы Тывада баштайгы ук төптерни ажыткан чээрби школаның санынче кирген. Ында башкылар класс шактарын, класстан дашкаар кичээлдерин база эрттирип турар.

Эртемнер аайы-биле башкылар четчелеттинген. Оларның хөй кезии аныяк кадрлар, ортумак назы-хары – 30-40. Педагогика коллективиниң өзээн тургузуп турар хоочун башкыларывыс база бар. Эге класстың 132 өөреникчизин изиг чем-биле хандырып турар. Чемненир черниң суугуларын, соодукчуларын чаарткан.

Кышкы одалга сезонунда ниити-биле 256 тонна хөмүр херек. «Кара алдынны» Чадаананың хөмүр-даш уургайындан график езугаар сөөртүп эгелээр. Бо талазы-биле үзүктелиишкин турбас – деп, директор дыңнаткан.

Хүлээникчи тудуг организациязы биле Чыраа-Бажы школазының удуртулгазының демниг ажылдаанының түңнелинде, өөредилге чериниң оран-савазының үндезин септелгезин үе-шаанда дооскан. Сентябрь 1-де 272 оолдар болгаш уруглар боттарының «чаа» школазының эргинин артаан. Школа 280 олутка көрдүнген.

1948 чылда туттунган школаның оран-савазын «Школа системазының өөредилге чаартылгазы» деп федералдыг программаның ачызында септээнин сагындыраал.

Чуруктарны Шончалай Ховалыг тырттырган

false
false
false
false
false
false
false