Росхереглелхайгааралдың Тыва Республика талазы-биле эргелелиниң болгаш Кадык камгалал яамызының сан-медээзи-биле алырга, май 27-ден июнь 2-ге чедир Covid-19 хамчыындан сес таварылга бүрүткеттинген. Ол ооң мурнунда неделядан 19 кижи эвээш болгаш, дөрт муниципалдыг тургузугда демдеглеттинген. Сес аараан кижиниң 25 хуузу, азы ийизи уруглар, артканы – алды кижи (75 хуу) улуг улус.
Лабораторлуг тестээшкин-биле Кызыл хоорайда – 5, Барыын-Хемчикте – 1, Сүт-Хөлде – 1, Эрзинде – 1 аарыг кижи илереттинген.
Амгы үеде 16 аарыг кижи эмнедип турар, оларның тозу чыдар эмнелгелерде. Чок болганының чылдагаанын тодарадыр комиссия медээзи-биле алырга, 2022 чылдың январь 1-ден бо хүнге чедир 48 кижи Covid-19 хамчыктыг аарыгдан мөчээн.
Тарылганың долу курузун 108 257 кижи алган, а аарыгга удур коллективтиг иммунитет 31 хуу болуп турары – эвээш көргүзүг.
Тывада Covid-19 хамчыынга удур коллективтиг иммунитет эвээжээн. Ооң уржуундан аарыгныӊ катап өөскүй бээриниӊ айыылы бар.
Боттуң болгаш чоок кижилериниң кадыкшыл байдалынче онза кичээнгейни салып, Covid-19-ка удур тарыдып алырынче чонну ТР-ниң Кадык камгалал яамызы биле Росхереглелхайгаарал кыйгырып тур.
Жители Тувы стали больше сберегать
В марте в Сибири приток средств населения на вклады обеспечили высокие ставки. Банки сообщают о большом количестве переоформлений вкладов на новый срок.