Дөң-Терезин суурда ангар хевирниң спорт залында тудуг ажылдары уламчылап турарын Барыын-Хемчиктиң Олимпийжи курлавыр спорт школазы дыңнаткан.
Спорт школазының коллективи ук объектиде дөрт айның дургузунда хүннүң-не ажылдап турар.
Республикада спорт объектилериниң чаартылгазы уламчылап турарын сагындыраал. «Тыва Республикада күш-культура болгаш спорттуң сайзыралы» күрүне программазының чорудуу-биле беш суурда (Бии-Хем кожууннуң Өөкте, Каа-Хем кожууннуң Кундустугда, Чөөн-Хемчик кожууннуң Шемиде, Бай-Тайга кожууннуң Хемчикте, Барыын-Хемчик кожууннуң Дөң-Терезинде) ангар хевирниң спорт залдарын тудуп турар.
Чаа залдар тус черниң чурттакчыларынга спортту чедингир болдурар.
