Дүжүт-2023: Баартактарга тус чер бүдүрүкчүлериниң барааннарын делгээр

Эртен, октябрь 28-те, республиканың көдээ ажыл-агый бараан бүдүрүкчүлериниң «Дүжүт-2023» садыглаашкын-ярмарказын «Сүбедей» спорт өргээзиниң девискээринге болуп эртерин ТР-ниң Көдээ ажыл-агый яамызы дыңнадып турар.

Тускай амдан холуксаалары немевээн, сүт, эът аймаан база дузаан, ыштаан дээш, көдээ ишчилерниң бүдүрген аъш-чемин ярмаркадан тып, таарымчалыг өртекке садып ап болур силер.

Көдээ ажыл-агый яамызы муниципалдыг тургузугларның болгаш көдээ ажыл-агый бараан бүдүрүкчүлериниң командаларының аразынга мөөрейни эрттирер. Ол ышкаш концерт база көрдүнүп турар.

Садып алыкчылар аразынга халас лотереяны база ойнадыр. Шаңналы – дириг хой. Ол ышкаш ойнаашкынның 19 аас-кежиктиглеринге деткикчилерден аъш-чем барааннарын тыпсыр. Ярмарка-садыглаашкынче далажыңар!