Алтай Республиканың Кан-Оозы аймакка эрткен алтай национал хүреш маргылдаазынга 85 кил деңзиден аар мөгелер аразынга тыва мөгелер тергиидеп, шупту шаңналдыг черлерни чаалап алган.
Арзылаң мөге Айдың Монгуш шүүлген, аныяк Начын мөге Айран Ижи үжүүрлешкен база аныяк шыырак мөге Сүлде Донгак үшкү шаңналдыг черге төлептиг болган.
Шүүлген мөгеге 100 муң рубль, үжүүрлешкен мөгеге 60 муң рубль база үшкү черге төлептиг болган мөгеге 40 муң рубль шаңналды тывыскан. Ниити аар деңзилиг мөгелерниң шаңнал фондузу – 200 муң рубльди тыва мөгелер алганы ол.
