Дээди Хуралдың депутаттары отчеттуг хуралдарга киришкен

ТР-ниң Дээди Хуралдың Чөвүлелиниң ээлчеглиг хуралын парламентиниң даргазы Кан-оол Даваа башкарып эрттирген. Аңаа эрткен неделяның түңнелдерин үндүрген.

Удуртуп-башкарар органның кежигүннери кожууннарның, хоорайларның хуралдарының болгаш чагырга черлериниң 2023 чылда кылып чоруткан ажылдарының база бо чылда кол сорулгаларының дугайында отчеттуг хуралдарынга киришкеннер.

Хөй-ниитиниң корум-чурумун тударынга Дээди Хурал киржири-биле регионалдыг парламентиниң депутаттары болгаш ажылдакчылары тускай график езугаар дежурныйлаашкынче үнүп эгелээнин Кан-оол Даваа дыңнаткан.

ТР-ниң Баштыңының Айыткалының чүүлдерин боттандырарының талазы-биле ажылдар планының төлевилелин колдуунда чүүлдүг деп көрген. Дээди Хуралдың неделя планы болгаш парламент комитеттериниң хуралдарының графиги бадылаттынган.

«Тыва Республика девискээринде ээ чок дириг амытаннар ажаалдазының дугайында» Тыва Республиканың Хоойлузунуң төлевилелин ийиги болгаш үшкү номчулгага чоокку сессия хуралынга көөр. Ынчангаш Дээди Хуралдың Аграр политика, чер, эт-хөреңги харылзааларының болгаш экология талазы-биле хораазынга (даргазы Б.Н. Монгуш) хоойлу төлевилелин хөй-ниитиниң киржилгези-биле көрүп болурунуң аргазын саналдап киирерин Кан-оол Даваа дааскан.