Дээди Хуралга хамаатыларның хүлээп алыышкынын эрттирген

Бөгүн ТР-ниң Дээди Хуралының Даргазы Кан-оол Даваа биле Бюджет, үндүрүглер, экономика болгаш сайгарлыкчы чорук талазы-биле комитеттиң даргазы Алдын-кыс Конгар «Чаңгыс демниг Россия» партияның Социал деткимче айтырыгларының талазы-биле неделязында хамаатыларның хүлээп алыышкынын эрттирген.

Хамаатылар социал деткимче, чурттаар оран-сава, ажылга тургузарынга дузалаарының, пенсия өстүрүлгезиниң талазы-биле айтырыгларлыг болган.

Хүлээп алыышкынга келген улуска дилээниң аайы-биле тайылбырларны кылган. Хүлээп алган өргүүделдер-биле ажылдар өске албан черлериниң киржилгези-биле уламчылаар.