Татарстан биле Калмыкиядан эгелээш Санкт-Петербург биле Кемеровога чедир бүгү чурттан эки турачылар IV сарыг шажын шуулганга киржир дээш, Тывада чедип келген. Россияның 43 регионундан келген идепкейжилер делегейниң он-он чурттарындан аалчыларны уткуп, хүлээп алырынга дузалажып турар.
1400 кижиниң аразындан Россияның 43 регионнарындан чүгле 350 идепкейжи шилиттинген. Эки турачылар командазынче кирерде, кордакчылар амыр эвес орукту эрткенин сагындыраал. «Алдын-Херелдиң камгалакчылары» өөредилге программазы-биле олар тыва черниң төөгүзүн, сарыг шажын ужур-чаңчылдарны, аалчылар уткуурунуң чурумун, шуулганның логистиказының чажыттарын шиңгээткен. Оон айтырыг-харыылар база чугаалажылга таварыштыр шыңгыы шилилдени эрткен.
Улуг ажылдың түңнелинде 350 эки турачыдан команда тургустунган. Оларның 300-ү – Тываның үндезин чурттакчылары. Россияның өске регионнарындан 50 киржикчи бар. Ынчалдыр тус чер чурттакчыларындан болгаш Калмыкиядан эки турачылар, Москва болгаш кожа-хелбээ Кузбасстан арга-дуржулгалыг тускай мергежилдигленден тургустунган команданы чыгган.
Аңгы-аңгы назы-харлыг болгаш сонуургалдарлыг кижилер оларның аразынче кирген. Эки турачыларның эң аныяа 15 харлыг Сайгал Самбуу – «Баштайгылар шимчээшкининиң» идепкейжизи, эң-не дуржулгалыы Новосибирскиден Раиса Леушина.