Депутат ийи сая ажыг рубльге деткимчени көргүскен

ТР-ниң Дээди Хуралының депутады Сергей Уюсов октябрь айда долу эвес мөөңнээшкинче кыйгырткан хамаатыларга 2,6 рубльге деткимчени көргүскен.

«Восток» кызыгаарлаттынган харыысалгалыг ниитилелдиң чиңгине директору Сергей Уюсов долу эвес мөөңнээшкинче кыйгырткан хамаатыларның дилээ-биле «DJI Mavic3» марканың күчүлүг квадрокоптерин дамчыткан.

Россия Армиязының курлавырда хамаатыларга Кызыл хоорайның оң талазында 55-ки даг-адыгжы бригаданың баазынга дайынчы белеткелди эрткенин сагындыраал.

Депутат октябрь эгезинде мөөңнээшкинче кыйгырткан хамаатының дилээн хандырып, «Heron» марканың квадрокоптерин база тускай шериг хепти садып берген.

Ол ышкаш тускай шериг операциязында киржип турар шериг албан-хүлээлгелиглерге дуза чедирери-биле саң-хөө деткимче чыыр “Деткимче” ачы-дуза чедирер фонд таварыштыр ийи сая рубльди шилчиткен.

Сергей Уюсов ачы-дуза акцияларынга доктаамал киржип, деткимчезин көргүзүп турарын демдеглеп каары артык эвес.