ТР-ниң Дээди Хуралының Аграр политика, чер харылзааларының, бойдус ажыглалының, экология болгаш эвээш санныг үндезин чоннар херектериниң талазы-биле хораазының даргазы Айдыс Куулар, депутаттар Ульяна Монгуш болгаш Ужар-Оол Иргит Шагаа бүдүүзүнде Мөңгүн-Тайга кожууннуң Мөген-Бүрен сумуже үнүүшкүннү кылганын парламент дыңнаткан.
Сумунуң малчыннары – 100 ажыг өреге Шагаа байырлалын аңгы-аңгы мөөрей оюннар-биле демдеглээн. Депуттар мурнакчы бүдүрүлгениң удуртукчузу Өшкү-Саар Ооржак-биле чолукшуп, ажыл-агыйның ниити байдалы-биле танышканнар.
Аалчылар өске-даа чыылганнар-биле кады 93 харлыг энениң йөрээлдерин болгаш чагыг-сөстерин дыңнаар аргалыг болганнар. Депутаттар мөген-бүренчилерге ТР-ниң Дээди Хуралының мурнундан байыр чедирген.