Дээди Хуралдың Даргазы Кан-оол Даваа , Өөредилге, культура, аныяктар политиказы болгаш спорт талазы-биле комитединиң даргазы Аяна Монгуш база депутат Сергей Куулар Улуг-Хем кожууннуң башкылар чөвүлели болгаш ада-иелери-биле хурал эрттирген.
Хуралдың кол-кол темалары эрткен өөредилге чылының түңнелдери, 2024 чылда сорулгалар, кожууннуң өөредилге черлеринде тыва дылды өөренири болгаш ажы-тɵлдүң дыштанылга үезинде айыыл чок чоруу болган. Кожуун чагыргазының тɵлээлери айтырыг бүрүзүнге хамаарыштыр илеткелдерни кылган, а депутаттар сүме кадып, сайгарып турар айтырыгларның хоойлу-дүрүм езугаар башкарылгазының дугайында чугаалаан.
– 2023 чылда Тыва дылды деткиириниң болгаш хөгжүдериниң талазы-биле Эчис сорулгалар хүлээттингенин билир силер. Ооң кол сорулгазы – тыва дылдың бүрүн ажыглалынга бүгү байдалдарны тургузары, ону салгалдарывыска дамчыдып арттырары болур. Дылывысты камгалап, харын-даа сайзырадыры-биле, Эчис сорулгаларны амыдыралга боттандырар деп чугула ажыл мурнувуста туруп турар – деп, бодунуң илеткелинге Кан-оол Даваа демдеглээн.
«Бо ышкаш хуралдарны эрткен чылын-на эрттирип эгелээн бис. Сайгарып турар айтырыгларывыс ниитилелге онза чугула болганда, бо ужуражылгаларывысты кожуун бүрүзүнге эрттирерин кызыдар бис» – деп, комитет даргазы Аяна Монгуш чугаалаан.
Депутаттар башкылар чөвүлели болгаш ада-иелер-биле хуралды эрттирген
31 января 2024
37