Деткикчиден Чаа чылдың белектери

Тывада “Ниити-российжи улусчу фронтунуӊ аныяктары” команданың удуртукчузу Буян Сонам Голевтиң даг-руда компаниязындан Чаа чылдың белектерин алганын дыңнаткан.

«Чаа чылды бажың бүрүзүнче» деп чылдың-на эртип турар акцияның чорудуу-биле аныяктарның хөй-ниити организациязы кадыкшылының байдалы-биле харык-шинээ кызыгаарлыг уругларга, тускай шериг операциязында киржип турар дайынчыларның ажы-төлүнге база элээди спортчуларга Чаа чылдың хуулгаазын байырлалын эрттирип, чигирзиг белектерни сөңнээр.

Голевтиң даг-руда компаниязы Тывада “Ниити-российжи улусчу фронтунуӊ аныяктары” командазы-биле чаңгыс эвес чыл дургузунда кады ажылдап турар.