Чиигелделиг категорияга хамааржыр абитуриентилерге социал деткимче бээр сорулга-биле Тываныӊ күрүне университединиӊ белеткел салбыры документилерни хүлээп ап турарын республиканың дээди өөредилге чери дыңнаткан.
– Бо беш чылдыӊ дургузунда орус дыл, математика, обществознание, биология эртемнериниӊ белеткел курстарынга 165 кижи өөренип турган. Оларныӊ 60 хуузу Россияныӊ, республиканыӊ дээди өөредилге албан черлеринче дужаап кирип алган.
2022-2023 өөредилге чылында 35 кижи өөренир. 25 кижини хүндүскү салбырга, а 10 кижини бот-өөредилге-биле хүлээп алыр. Хүндүскү салбырга өөренир улус академиктиг стипендия алыр – деп, ТывКУ-нуӊ дээди эртем мурнуда өөредир институдунуӊ директору Урана Даржа тайылбырлаан.
Университеттиӊ белеткел салбырынга өскүс уруглар, ада-иезиниӊ ажаалда-хайгааралы чок арткан уруглар, чажындан инвалид уруглар, I, II бөлүктүӊ инвалидтери (эмчиниӊ чөпшээрели бар болза) өөренип болур.
Документилерни октябрь 25-ке чедир хүлээр.
Документилерни октябрь 25-ке чедир хүлээр
10 октября 2022
38