ТР-ниң Күш-ажыл болгаш социал политика яамызы долу эвес мөөңнээшкинче келдирткен хамаатыларга чаңгыс удаа төлээр 100 муң рубль хемчээлдиг төлевирниң баштайгы акшалындырыышкынын алган.
Тываның Баштыңы Владислав Ховалыг октябрь 31-ден эгелеп көрдүнген төлевирниң шупту хемчээлин шилчидип эгелээр даалганы Күш-ажыл яамызынга берген турган. Бирги хүнде 300 ажыг шериг албан-хүлээлгелиглерже төлевирни шилчиткен. Агар санны ажыткан саң-хөө организациязынче шилчип келгенинден, азы бир-ийи хонуктуң дургузунда төлевирлер кирип эгелээрин дыңнаткан.
Долу эвес мөөңнээшкинче келдирткен хамаатыларның өг-бүлелеринге дуза көргүзер регионнуң каттышкан штавының сайгарылгазы-биле алырга, төлевир алыкчыларының хөй кезии Ажаалга банкызында быжыглаттынган болза, кезек кижилер өске банкыларда агар саннарлыг.
Эрге-чагырганың федералдыг органнары-биле республика бюджединче өскерилгелерни киирип ажылдаан соонда, төлевирлерни шилчидип эгелээн. Акшаландырыышкынның дөстерин тыпкан, төлевирлерни бүрүнү-биле төлеп бээр.
Төлевир даңзызын ноябрьның 2 база 3 хүннеринде хевирлептер, хамаатыларның агар саннарынче акшаны шилчидери уламчылаар деп, яамы дыңнаткан.
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.