Дыштанылга лагерьлериниң ажыдыышкынын соңнаарлаткан

Суг үерлээшкини уругларның чайгы дыштанылгазын организастаарынга өскертилгелерни болдурганын Өөредилге яамызы дыңнаткан.

Барыын-Хемчик база Бай-Тайга кожууннарда хемнерниң суглары көдүргенинден, июнь 15-те ажыттынар турган «Шивилиг», «Манчүрек», «Таежный» база «Шолбан-Ак» лагерьлер девискээринче транспорт оруу түр үеде хагдынган.

Хемнер суу чавызап бада бээрге, хыналда хайгаарал органнарындан чөпшээрелде алган соонда, уруглар дыштаныр ол черлер ажыттынарын Өөредилге яаымзы дыңнаткан. Регионда ажылдап эгелээн хоорайдан дөрт лагерьде байдалда оожум, суг алыр ындыг дүвүрээзин чок.