«Эң эки муниципалдыг практика» бүгү-российжи мөөрейге киржир чагыгларны июль бирге чедир хүлээр

Тываның кожууннарын «Эң эки муниципалдыг практика» бүгү-российжи мөөрейге киржиринче чалап турар. ТР-ниң Экономиктиг хөгжүлде яамызы «Эң эки муниципалдыг практика» бүгү-российжи мөөрейниң регион чадазынга киржир чагыгларны июль 1-ге чедир хүлээп алыр.

Регион чадазының тиилекчилери федералдыг деңнелге регионун төлээлээр, финалдың киржикчилеринге дипломнарны болгаш 10-50 сая рубль чедир акша шаңналдарын тыпсыр.

Мөөрей чагыгларын дараазында угланыышкыннарже хүлээп турар:

- «Хоорай тудуунуң политиказы, чурттакчы чоннуң амыдырал-чуртталга хүлээлелин хандырары база чуртталга-коммунал ажыл-агыйын хөгжүдери»;

- «Муниципалдыг экономика политиказы база муниципалдыг саң-хөө башкарылгазы»;

- «Муниципалдыг тургузуглар чурттакчылары-биле шынарлыг “дорт харылзааны” хандырары, девискээриниң хөй-ниити бот-башкарылгазын хөгжүдери база тус чер бот-башкарылгазынче өске-даа аргалар-биле хамаатыларны хаара тудары (киириштирери)»;

- «Националдар аразында тайбыңны база эп-найыралды быжыглаары, национал политика адырында өске-даа хемчеглерни муниципалдыг деңнелге боттандырары»;

- «Чурагайлыг технологияларны база шөлчүгештер шиитпирлерин («угаанныг хоорай») ажыглап, хоорай ажыл-агыйын эде чаартыры».

Тус чер бот-башкарылгазының төлевилелдерин деткээн мөөрейге кожуун чагырга черлери идепкейин көргүзүп, документилерин дужаарын ТР-ниң Экономиктиг хөгжүлде яамызы кыйгырып турар.

Мөөрейге киржир дугайында айтырыглар тыпты берзе, 8(39422)2-26-73 телефонче; азы terrazvit17@mail.ru деп адрестиг электроннуг почтаже чорудар.

#Тываныңчазаа #Экономиктигхөгжүлдеяамызы #Эңэкимуниципалдыгпрактика #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews