Эң-не үре-түңнелдиг арга

Тыва Республиканың Кадык камгалал яамызының сан-медээзи-биле алырга, эрткен неделяда Covid-19 хамчыындан бир таварылга бүрүткеттинген. Амгы үеде Хөй ажыл-чорудулгалыг эмнелге төвүнде бир аарыг кижи эмнедип турарын кадык камгалал сайыды Анатолий Югай аппарат хуралынга дыңнаткан.

Тускай эртемниглерниң медээзи-биле алырга, коронавирус хамчыының чаа чалгыы күзүн өөскүп болур. Ынчангаш Covid-19-ка удур тарыдып база катап тарыдып алыры эргежок чугула.

Россияның девискээринде камгалал маска кедер чурумну соксаткан-даа болза, медицина албан черлериниң ажылдакчыларынга болгаш поликлиникаларга келген улуска ук чурумну хевээр арттырган.

Covid-19 халдавырындан камгаланыр эң-не үре-түңнелдиг арга – хамчыкка удур тарыдып алыры.

#Кадыккамгалаляамызы #Вакцинация #Коронавирус #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews