Бай-Тайга кожууннуң Ээр-Хавак сумузунда «Сорунза» төлевилели-биле туттунуп турар культура бажыңында тудуг ажылдары уламчылап турарын чагырга чери дыңнаткан.
240 дөрбелчин метрден хөй ниити шөлдүг, 120 олуттуг, ном саңы болгаш көрүкчүлерге залдыг амгы үениң чаа көдээ бажыңнары суур чонунуң саналы-биле туттунуп турарын сагындыраал.
Тудуг шөлдеринде тус черниң чурттакчылары биле культура ажылдакчылары демнежип ажылдап турар.
2021 чылда эгелээн «Сорунза» төлевилели-биле республиканың муниципалдыг тургузугларында 15 культура объектилери туттунган. Ол чүүл көдээ чоннуң культурлуг хемчеглерже киржилгезин көвүдедип, дыштанылгазының шынарын экижиткен.
Төлевилелиниң ачызында, Тывада эргижирээн көдээ культура болгаш дыштанылга черлериниң үлүү эвээжээн.