Эки турачы Алексей Кадыр-оол – Тыва спорттуң тергиини

Бии-Хем кожууннуң төвү Туранга «Мээң төрээн суурум – Аржаан» деп республиканың шилиндек эр командаларынын аразынга хол бөмбүүнүң маргылдаазының хүндүлүг аалчызы – Тыва Республиканың хол бөмбүүнүң хоочуннар Лигазынын тургузукчуларының бирээзи Роман Шинин болган.

Роман Шининниң амыдыралдың кадык овур-хевирин суртаалдап, хоочуннарны эвилелдеп, аныяк-өскенге эки үлегер-чижээн көргүзүп турарын Аржаан сумузунуң чагырга чериниң удуртулгазы онзалап демдеглээн.

Спортчу хемчегниң аалчызы Аржаан школазынның хоочун күш-ажыл башкызы, арга-дуржулгалыг хол бөмбүкчүзү, тус чер чагыргазының депутады Алексей Кадыр-оолга "Тыва Республиканың күш-культураның болгаш спорттуң тергиини" деп хөрек демдээн тывыскан.

Алексей Сергеевич тускай шериг операциязының эки турачызы. Ол июнь айда дайынчы хөделиишкиннер девискээринге киришкеш келген. Эки турачы ийи оглунуң үлегерлиг адазы.