Эки турачылар интернет таварыштыр бадылап шыдавас кижилерге дузаны кадар

Тываның чурттакчылары май 30-ге чедир бирги ээлчегде чаагайжыдар объектилер шилилгезин za.gorodsreda.ru (https://17.gorodsreda.ru/) сайтыга кылып болур.

Республиканың 19 муниципалитеди бо чылдың онлайн хевирге эртер бадылаашкынынга киржир. Чурттакчылар «Таарымчалыг хоорай хүрээлелин хевирлээри» шөлчүгештен бадылаашкында девискээрлер, объектилер болгаш дизайн-төлевилелдер-биле таныжып болур.

Эки турачылар интернет таварыштыр бадылап шыдавас кижилерге дузаны кадар. 200 эки турачы бо чылын бадылаашкынга ажылдаар дээш бүрүткеткен. Олар бадылаашкынның билдингир хөй-ниити черлеринге ажылдап, күзелдиг улуска канчаар бадылаарын тайылбырлап, планшеттери азы смартфоннары таварыштыр таныштырар.

za.gorodsreda.ru (https://17.gorodsreda.ru/) арында «Госуслуги. Решаем вместе» удур-дедир харылзаа шөлүн ажыглавышаан, азы ында киржип турар шупту муниципалитеттерниң хөй-ниити черлеринде бадылаашкынга дузалажыр эки турачыларның капсырылгазынче киргеш, бадылап болур.

Он дөрт хар четкен, хамааты бүрүзү боттарының шилилдезинге үнүн бээр аргалыг. Киржикчи кижи чүгле чаңгыс девискээрни шилип, ол дээш боду үнүн бээрип болурун сагындыраал.