“Эко-объектив” чуруктар мөөрейиниң түңнелдерин үндүрген

Тыва Республиканың Арга-арыг болгаш бойдус ажыглалының яамызы Экологтуң хүнүнге тураскаадып “Эко-объектив” деп чуруктар мөөрейиниң түңнелдерин үндүрген.

Киржикчилер ажылдарында төрээн чериниң, республиканың бойдус объектилерин көргүскен.

“Мээң биче төрээн черим” угланыышкынга төрээн чериниң кайгамчык, онгазай, дөмейлешпес бойдус чурумалын, дириг амытаннарын, дыштаныр черлерин, аржаан сугларны дээш, хөй талалыг чуруктарны чорудуп турган.

Бирги черге Александр Куксин, ийи черге Чаян Хертек, үшкү черге Татьяна Арчимаева олар төлептиг болган.

“Чурттап турар оран-чуртувус” угланыышкынга долгандыр хүрээлелди хирлендирип турар чидиг айтырыгларны көргүскен: агаарның хирлии, кайы хамаанчок төкен боктар, хирленген суглар хемнер дээш, оон-даа өске.

Бирги черни Александр Куксин, ийиги черни Елена Доржу, үшкү черни Татьяна Арчимаева чаалап алган.

#Арга_арыгболгашбойдусажыглалыныңяамызы #Чурукмөөрейи #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews