Элээди армейжилер-биле кады хуулгаазынныг Чаа чылдың байырлалы: челленджтиң тиилекчилерин шаңналдар манап турарын ТР-ниң Өөредилге яамызы дыңнаткан.
Чаштарның база элээдилерниң эң-не ынак байырлалы – Чаа чылга чедир каш-ла хонук арткан. Кайгамчыктыг Чаа чыл байырлалының бүдүүзүнде Тываның элээди армейжилери «Элээди армейжилерниң шивизи!» деп челленджти чарлаан. Ол ада-чуртчу темага тураскааттынган болгаш, чогаадыкчы уруглар, оолдарны каттыштырар сорулгалыг.
Хемчегниң киржикчизи экологтуг арыг материалды ажыглавышаан, Төрээн чуртунга ынакшылды болгаш найыралдың үнезин илередип, шивини бир онзагай кылдыр каастаар.
Шивиниң чуруун социал четкилерде бодунуң арынынга (блогунга) #юнармейскаяёлка17 деп хештег-биле салып алгаш, элээди армейжилерниң бөлүүнче ыяап-ла кирер 👉 ЮНАРМИЯ Республики Тыва . Киржикчиниң хууда арыны ажык болур ужурлуг.
Организаторлар январь 11-де эң-не тергиин үш ажылды шилиир. Ооң ээлери Соок-Ирейден тулган белектерни алыр. Бирги черниң тиилекчизинге VK NEO капсуланы, ийиги черде – смарт билектээшти, үшкү черниң тиилекчизи өртектиг белекти чаалап ап болур аргалыг.
Челленджке идепкейлиг киришкеш, элээди армейжилер-биле Чаа чылдың онзагай хөөнүн тургузуңар!