Элегес-Аксы школазынга “Баштайгыларның шимчээшкини” уруглар болгаш аныяктарның бүгү-российжи шимчээшкининиң шимчээшкининиң одуруунче уругларны хүлээп алыры база бот-идепкейжи уругларның төвүнүң ажыдыышкынынга тураскааткан чыскаал болуп эрткенин ТР-ниң Өөредилге яамызы дыңнаткан.
Байырлыг хемчегге кадет класстарның төлээлери, школаның идепкейжилери, элээди инспекторлар отрядының кежигүннери, «Россияның эзир оолдары» болгаш класстар даргалары киришкен.
Бир дугаар болуру черле харыысалгалыг, берге болгаш дыка солун. Ынчангаш школазынга идепкейлиг кижи болуру дээрге, онза болуушкун, чүге дизе школага төптүң үнелиг чүүлдери дээрге:
- Амыдырал болгаш эки мөзү;
- Ада-чуртчу чорук;
- Найырал;
- Буянныг болгаш чөптүг чорук;
- Күзел;
- Чогаадыкчы күш-ажыл;
- Бот-боттарынга дузалажыры болгаш бот-боттарын хүндүлежири;
- Россияның чоннарының чаңгыс эп-сеткили;
- Төөгүлүг сактыышкын;
- Ада-чуртка бараан болуру;
- Быжыг өг-бүле;
- Бодалдар;
- Чогаадылга.
Хемчегге «Чаш назынның навигаторлары» федералдыг төлевилелдиң регионалдыг координатору Сергей Лопсан база Кызыл кожууннуң муниципалдыг координатору Шолбан Ооржак олар байыр чедирип, чагыын берген. Ол ышкаш Кызыл кожууннуң директорларының кижизидилге талазы-биле болгаш бичии уругларның хөй-ниити организацияларының чөвүлекчилери база киришкен.
Ук хемчегниң эгелекчи саналын кииргеннер дээрге, директорнуң кижизидилге талазы-биле чөвүлекчизи Аялга Монгуш база школаның удуртулгазы.
Уругларның төвү школада өөреникчилерни хаара тудар чер болгаш кижи бүрүзүнге бодун тып көргүзер арганы бээр дээрзинге идегел улуг.
