Кызыл кожууннуң Элегес-Аксы ортумак школазының коллективи өскелерден чыда калбайн, тускай шериг операциязы эгелээнинден тура дайынчыларга доктаамал ачы-дузазын чедирип турар.
Өөредилге чериниң профэвилел даргазы, аныяк эге класстар башкызы Долаана Хертек хөй-ниити ажылын билдилиг удуртуп турар. Ол ажыл-ижин таныштырган.
– Школавыстың башкылары аңгы-аңгы акцияларны эрттирип, тайылбыр ажылын кылып, акша-төгерикти чыггаш, шериг оолдарга херек чүүдерни саткаш, чорудуп турарлар.
2022 чылдан эгелеп ада-чуртчу кижизидилгени харыылап турар башкылар В.В. Хуракай, Р.К. Ооржак, А.Б. Монгуш, А.С. Сарыглар, Н.Ч. Монгуш өөреникчилеринге «Солдатка чагаа» деп акцияны эрттирип, хөй-хөй чагааларны дайынчыларже чоруткан.
Россияның Маадыры [id741506002|Мерген Донгак]-биле ужуражылганы В.О. Сарыглар, Р.К. Ооржак, Л.Х. Сан-оол эрттирген. ОБЯ класс башкызы И.А. Маадыр, музей удуртукчузу И.Д. Байыр Элегес-Аксындан тускай шериг операциязының киржикчилери-биле ужуражылгаларны эрттирип турар.
Хөгжүм башкызы Г.Б. Монгуш, улусчу ужурлар башкызы Р.К. Ооржак, танцы-сам башкызы Д.Ч. Ооржак эр кижиниң, дайынчының хей-аъдын болгаш сүлдезин көдүрери-биле отчеттуг концертти белеткеп, сумунуң культура одаанга темалыг мөөрейге, кожуун төвүнге фестивальдарга өөреникчилерни киириштирген. Кожуун, республика деңнелдиг мөөрейлерге тыва дыл башкызы Ч.А. Айыы, төөгү башкызы Р.К. Ооржак өөреникчилерин идекпейлиг киириштирип турар.
Школавыстың доозукчузу тускай шериг операциязынче эки тура-биле чорупкаш, амы-тынын берген маадырывыс Аяс Седиптиң чырык адынга тураскааткан хүреш маргылдаазын эрттирип, школавыстың ханазында хөрек чуруун аскан. Бо ажылды маадырның авазы, школада эге класстар башкызы Уран Билен-ооловна Донгак, күш-культура башкы оглу Омак Ангыр-оолович төрелдери-биле удуртуп, деткикчилээн.
Күш-ажыл башкызы Санаа Борбак-ооовна Монгуштуң удуртулгазы-биле быжып берген таалыннарын башкылар даарааш, коллективтиң чыгган аъш-чеми, камгалалдары, артыжы, эм-таңы-биле долдургаш, мурнуку одуругда дайылдажып турар оолдарже чоруткан.
Чажыртынып шыптынар четкилер кылып турар эки турачылар ротазының кежигүннерин демдеглевес арга чок. Олар бичии-ле чайланы бергеш, могап-шылаанын-даа уттупкаш, шурдургу ажылдап турар. Школаның башкылары, ажылдакчылары езулуг-ла дыжын уткан тылдың маадырлары-дыр. Оларның аразында lайынчыларның авалары, угбалары, кырган-авалары – С.С. Монгуш, Д.А. Хертек, Р.К. Ооржак, Д.Ч. Ооржак, А.К. Монгуш, Ч.А. Музан, С.Ш. Саая, А-С.Б. Монгуш, Ф.К. Ооржак, С.С. Монгуш, Н.Б. Оюн, Т.Х. Хертек, Ч.О. Камзарова бар.
«Бай-Булуңнуң» тыл ажылдакчылары Т.О. Монгуш, Р.К. Ооржак, О.Р. Ооржак, Д.А. Хертек, Ч.И. Монгуш эки турачыларны удаа-дараа аъшкарып-чемгерип, деткикчилээн.
Күш-культура башкызы Ч.С. Ооржак Элегес-Аксы сумунуң дайынчыларга чыып турар дузаламчыга немей эът аймаан дамчыткан. Ол хууда ажыл-агыйлыг.
