Тываның эмнелге албан черлери эм-таң болгаш медицина херекселдериниң дөрт ай курлавырлыг. Ону олар күрүне магадылалдарының девискээр программазының иштинге Албан камгаладылга фондузунуң 666,89 сая рубль болгаш республика бюджединиң 85,12 сая рубль түңнүг акша-хөреңгилери-биле садып алганын регионнуң Кадык камгалал яамызы дыңадып турар.
Федералдыг даңзыда бактаап турар кижилерниң чиигелделиг хевирин хандырары-биле чыл төнчүзүнге чедир эм-таңны четчир хемчээлдиг курлавырлаан.
Девискээр даңзыда бактаап турар чиигелделиг кижилерни, ооң иштинде чедир шитнчилеттинмээн ховар аарыглыг кижилерни эм-таң-биле хандырары-биле 200,39 сая рубльди республика бюджединде көрген. Улуг чарыгдалдыг 14 аарыгны эмнээринге 75,47 сая рубльге он айның эм-таңын курлавырлаан.
Чүрээ хоочулуг кижилерни халас эм-таң-биле хандырары-биле «Кадык камгалалы» национал төлевилелдиң «Чүрек-дамыр аарыглары-биле демисел» регионалдыг төлевилелиниң иштинге 255,22 сая рубльге 10 айның эм-таң курлавырын тургускан.
Кызылский транспортный техникум отметил 60-летний юбилей
60 лет исполнилось Кызылскому транспортному техникуму.