Энерел сеткилдиг хоочун эне шээр малды дамчыткан

Өвүр кожууннуң хүндүлүг хамаатызы, хөй-ниитижи хоочуну Сара Балдан долу эвес мөөңнээшкинче келдирткен шериг оолдарның өг-бүлелеринге ачы-дуза кылдыр бодунуң өмүнээзинден он дөрт хойну дамчыткан.

Энерел сеткилдиг хоочун эне Тывадан тускай шериг операциязында киржип турар шериг албан-хүлээлгелиг дайынчыларже сагыш салып, деткип турары ол.

Кожууннуң чагырга чериниң удуртулгазы Сара Андреевнага четтиргенин илередип, быжыг кадыкшылды күзээн.