Июньнуң 1-ден Тывада албан черлериниң база чурттакчы чоннуң курлавырлар хандырар организацияларының мурнунда өрелерин чок кылырының шалыпчы айы эгелээн.
ТЭК бүдүрүлгелери база ЧКА албан черлери келир кышка котельнаялар болгаш өске-даа объектилерин чайгы үеде септеп, белеткеп алырынга дузаны кадары-биле республика чазаа чыглы берген өрелер чыыр ындыг шиитпирни хүлээп алган.
Июнь 14-те эрткен хуралда өрелер кайы хире апарганын сайгарган. Эрткен чылдың бо үезинге деңнээрге электри энергиязы база чылыг дээш ниити өрениң түңү 27 хуу, азы 408 сая рубльге өскенин демдеглээн. А майның эгезинде ол түң республикада 1,9 млрд рубль болган. 799,6 сая рубль юридиктиг черлерге, а 1 105 сая рубль – чурттакчы чонга онаажыр.
«Тываэнергосбыт» база «Дизель» компанияларга – 1 млрд 150,2 сая рубль түңнүг эң хөй өрелер чыглы берген. Ооң хөй кезии юридиктиг черлерниң өрелери болур. Ажыглаан чылыг дээш Кызылдың чылыг-энергетика төвүнге база котельнаяларга 754 ажыг сая рубль өре чыылган. Мында чурттакчы чон ачы-дуза дээш төлевээн өрелериниң түңү 588,7 сая рубль четкен, азы өрениң 78 хуузу.
Яамылар болгаш албан черлериниң, тус чер бот-башкарылга органнарының, бюджет албан черлериниң болгаш организацияларның удуртукчулары боттарының ажылдакчыларында чылыг болгаш чырык энергиязында өрелер бар-чогун хынап, ону төлээр хемчеглерни алырын дааскан.
#Тываныңчазаа #Өрелерчыыршалыпчыай #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Сайыр-Даш Середар: «Очень благодарны Президенту, что сделали проект «Время героев»
«Время героев» - программа развития для участников специальной военной операции.