Ноябрьның 27-ден 30-ге чедир Кызылдың «Субедей» спорт школазынга эр мөгелер аразынга хостуг хүрешке Россияның кубогу дээш маргылдаа болуп эртер.
57-ден 125 килге чедир он аңгы деңзиге база командалыг чер дээш маргылдаа болур. 18 хардан өрү назылыг, эвээш дизе спорт мастериниң кандидады аттыг мөгелер аңаа киржир.
Россияның спортчу хүреш федерациязы, ТР-ниң Спорт яамызы, Тываның спортчу хүреш федерациязы маргылдааны эрттирер. Бо хүнге чедир Красноярск крайдан, Кемерово облазындан, Саха (Якутия), Дагестан, Бурят республикалардан база Москва, Санкт-Петербург хоорайлардан командалар чагыгларны киирген.
Тываның командазынче кирер республиканың шыырак мөгелериниң долу составы ноябрьның ийиги чартыында тодараттынар. Россия чемпиону Сайын Кызырык, Россия чемпионадының мөңгүн медалының эдилекчизи Амир Чамзын, Европаның Бирги чери дээш 23 харга мөгелер ортузунга мөңгүн медалының эдилекчизи Бады-Маадыр Самдан база «Тыва Республиканың Чаан мөгези» аттың эдилекчизи Айдың Монгуш команданың составынче киргени билдинген. Тыва Республиканың спортчу хүреш федерациязының президентизи Буян Бурбучуктуң чугаазы-биле алырга, маргылдаага идепкейлиг белеткел эгелээн.
Мөөрейниң шаңнал фондузу бир сая рубль: тиилекчи команда 500 муң, ийиги чер алган команда 300 муң, үшкү болгаш дөрткү черлер алганнар 200 муң база 100 муң рубльди алыр. Республиканың хостуг хүреш мөгелеринге болгаш ооң аарыкчыларынга бо маргылдаа солун болуушкун апаар.
В России расширят господдержку производителей мультфильмов
Получить господдержку на производство и прокат анимационных фильмов в размере 100% от сметной стоимости можно будет в России.