Эр мөзү-бүдүш, төрээн чуртунга ынакшыл база эрес-дидим чорукту хевирлээр

Кызылдын беш дугаар гимназиязынга көскү күрүне ажылдакчызы, Москвада Тыва чогаалчылар салбырының даргазы Борис Балчий-оол болгаш Тываның Дээди Хуралының депутады, тускай шериг операциязының киржикчизи Буян Донгак-биле солун ужуражылга болуп эрткен.

Ада-чурт камгалакчызының болгаш Улуг Тиилелгениң 80 чылынга тураскааткан хемчегниң сорулгазы – Ада-чурттуң Улуг дайынының, тускай шериг операциязының киржикчилериниң маадырлыг чоруунуң үлегер-чижээнге аныяк-өскенниң ада-чуртчу үзел-бодалын хевирлээри, шериг хүлээлге күүселдезинге хүндүткелди кижизидери.

Тускай шериг операциязының киржикчизи Буян Донгак ужудукчу чок аппарат дугайында тайылбырлап, «кушкашты» ужуткан. Б.К. Балчий-оол «Силер-биле кады бис» деп ада-чуртчу поэзияның шүлүктер чыындызын таныштырган. Автор Ада-чурт камгалакчыларынынга тураскааткан шүлүктерин өөреникчилерге номчуп берген.

Гимназияның башкылары болгаш өөреникчилери аалчыларга четтиргенин илереткен.

Эр мөзү-бүдүш, төрээн чуртунга ынакшыл база эрес-дидим чорукту хевирлээр хемчеглер бүгү республикада эрттип турар.