Эрес-кежээ Дамдынның күзели – мал-маганынга дүрүг сиген

Чөөн-Хемчик кожуундан тускай шериг операциязының киржикчизи Руслан Ооржак социал керээге үндезилээн күрүне деткимчези-биле дөрт бызаалыг инекти садып алгаш, хууда дузалал ажыл-агыйының эгезин салган.

Дайынчы хөделиишкиннер хоочунунуң оглу Дамдын «Күзелдер шивизи» бүгү-росиийжи ачы-буян акциязының киржикчизи. Ооң күзели – мал-маганынга дүрүг сиген.

Кожууннуң көдээ ажыл-агый эргелелиниң удуртукчузу Алдандай Ооржак Дамдынга Соок-Ирей болуп аалдап четкеш, мал-маганга ынак оолдуң күзелин күүсеткен.

Өг-бүлениң улуг оглу Дамдын ада-иезиниң езулуг-ла дузалакчызы болуп, тыва кижиниң чаңчылчаан ижинге чажындан-на өөренип өзүп турар.