Эрте-бурунгу тураскаал чанында шайлаарак

Барыын-Хемчик кожууннуң Бижиктиг-Хая сумузунда ажыл-биле бот-хандыртынган сайгарлыкчыларның бирээзи – Херел-оол Соян. Ол социал керээге үндезилээн күрүне деткимчезиниң ачызында хууда ажыл-херээн ажытканын ТР-ниң Күш-ажыл яамызы дыңнаткан.

Тывада кайгамчык бир эрте-бурунгу тураскаалдарның бирээзи – Кижи-көжээ. Ооң сиилбиттинген овур-хевири – холдарында езулал савазы туткан дайынчы ол. Көжээниң кулаа чок талазынга сымыранырга эки деп келген улус бүзүрээрлер. Өске регионнардан аян-чорукчулар бодап алган күзелдериниң боттанылгазын ук тураскаалдан дилеп алыр дээш хөйү-биле кээп турарлар.

Эгелеп чоруур сайгарлыкчы Бижиктиг-Хая дааның чоогунда ховуда ыдыктыг Кижи-көжээге келген чонга таарымчалыг байдалды тургузары-биле турскаалдыг черниң чанынга тыва өгнү тиккеш, аңаа изиг шайлыг болгаш амданныг аъш-чемниг шайлааракты ажыткан.
Херел-оол Соян кожуунунга турзимни сайзырадырынга үлүүн киирер дээш кызымакай ажылдаар сорулгалыг.

Тывада чедиишкинниг боттанып турар «Социал керээ» күрүне программазы эгелеп чоруур сайгарлыкчыларга ажыл-херээн ажыдып алыр идигни берип турар.