Эрте-бурунгу тураскаалга четкен

Ак-Довурак хоорайның «Салым-чаяанныгларның сылдыстары» түр када хостуг үе төвүнде ийиги сезон эгелээн.

Чайгы дыштанылганың чедиги хүнүнде төптүң уруглары Тывада кайгамчык бир эрте-бурунгу тураскаалдарның бирээзи – Кижи-көжээге четкеннер. Ооң сиилбиттинген овур-хевири – холдарында езулал савазы туткан дайынчы ол. Көжээниң кулаа чок талазынга сымыранырга эки деп келген улус бүзүрээрлер.

Туризм талазы-биле тускай мергежилдиг оолдар болгаш уругларга эрте-бурунгу тураскаалдың дугайында төөгүп берген. Олар бодап алган күзелдериниң боттанылгазын ук тураскаалдан дилеп, сымыранганнар.

Тываның делгем ховуларында барык 200 чыгыы кижи-көжээ санаттынып турар. Бижиктиг-Хая дааның чоогунда ховуда база бир ховар көжээ ажык дээр адаанда музей кылдыр шыгжаттынган. Ол көжээ 1200 ажыг чыл турар.