Улус ажыл-агыйының чедиишкиннериниң делгелгезинге – «Россия» делегей чергелиг делгелге-шуулганның Тываның шөлчүгежинге Улустун чогаалчызы Артык Ховалыгның «Чонунга алгадыр чолдуг» деп сүзүк парлалгазынга тураскааткан эртем-нептерелдиг очерк номунуң таныштырылгазы болуп эрткен.
Бөгүн чогаалчының төрүттүнген хүнү!
Москвада Тываның бүрүн эргелиг төлээзи Чечен Чоксумнуң чөвүлекчизи Урана Иванова хемчегни ажыдып, чаа номнуң кыска утказы-биле таныштырган.
Тываның Улустун чогаалчызы баштай тыва чонга Ыдык Сака Дава айы-биле байыр чедирген. Тываның төөгүзүнге турбаан чараш сүзүк парлалгазының дугайында ном таныштырылгазы ыдык айнын улуг өлчейлиг хүнүнде болуп турарын онзагайлап айыткан. Очерк ному кыс парлалга төөгүзүнүң дөрткү түңнел ному болур болгаш беш кезектен тургустунган. «Эне сөзү» солун, «Кадын» сеткүүлү, сүзүк суртаалы, шажын сөзүн очулдурарының дуржулгазы, номчукчу авторларның «Эне сөзүнге», «Кадынга» тураскааткан алгаг шүлүктери.
Автор номун Тыва күрүнениң төөгүзүнче киир бижиттинген кыс парлалганың, херээженнер шимчээшкининиң бир янзы, уян, ханы сүзүктүг, чончу арыннары болуп киир бижиттинерин айыткан. «Кадынның» тургустунганындан бээр 30 чыл оюн Тывага калбаа-биле демдеглээни ам чурттуң төвү Москвада уламчылап турары онзагай деп ол демдеглээн.
Бо байырлал таварыштыр Тываның бүрүн эргелиг төлээзи Чечен Чоксумнуң белээн Артык Ховалыгга ооң Урана Иванова тывыскан. Ынак чогаалчывыс көрүкседивис дээн улус аразында Алдан-Маадыр суурдан Эдик Монгуш, Бора-Тайга суурдан Анна Оюн бар болган. Артык Ховалыг номун белекке берип, Сүт-Хөл дугайында сонеттерни номчаан.Тыва чогаалчылар эң баштайгы херээжен шүлүкчү Доңгак Барыкаанның 125 чылдаанынга тураскааткан хуралды эрттирген. Олар Доңгак Барыкаан аттыг чогаал шаңналынче чамдык төлептиглерни идип үндүрген.
Тыва чогаалчылар эң баштайгы херээжен шүлүкчү Доңгак Барыкаанның 125 чылдаанынга тураскааткан шаңналдарны база тывыскан. Ооң чанчылчаан ат тыпсырын катап тургузарын бо кыс парлалга юбилейиниң үезинде чон идип үндүрген. Ону «Эне созу» тургускаш, шылгарааннарга Барыкаан аттыг шаңналды дипломун тыпсып турган.
Москвада чурттап турар тыва чогаалчыларның хуралының шиитпиринге үндезилээш, Улустуң чогаалчызы Артык Ховалыг дипломнарны тывыскан. Чогаалчылар Зоя Донгакка «Хамның салым-чаяаны» деп ному дээш, Анна Ламажаага өг-бүле ызыгуурун өөренирин суртаалдаар идепкейи дээш тывыскан.
«Кадынның» оюн таварыштыр Артык Ховалыг Урана Ивановага Өөрүп четтириишкин бижимелин тывыскан .
