Тываның Улустуң чогаалчызы Мария Күжүгеттиң чырык адынга болгаш 70 харлаанынга тураскааткан "Сакты бердим, өңнүктерим" деп республика чергелиг эртем-практиктиг конференция болуп эртерин ТР-ниң Чогаалчылар эвилели дыңнаткан.
Эвилел эртем-практиктиг конференцияга күзелдиг чонну киржиринче чалап турар. Киржиринче чагыгларны октябрь 25-тиң хүнүнге дээр irgitkonzai@mail.ru деп почтаже чорудар.
Конференцияның киржикчилеринге болгаш тиилекчилеринге дипломнарны, сертификаттарны болгаш шаңнал бижиктерни тыпсыр. Ынчангаш үстүнде удуртулга саавырда анкетаны долдургаштың чорудары албан.
Конференцияның болур хүнү: октябрь 31, 2025 чыл
Бүрүткедир шагы: 09:00
Эгелээр шагы: 10:30
Болур чери: Тываның кадет корпузу (Кызыл хоорай, Колхозная 56)
Эрттирикчилер-биле харылзажыры: Лидия Хорагаевна Ооржак – 89232645622, Кежик Константинович Коңзай – 89293159696.