«Таарымчалыг хоорай хүрээлелин хевирлээри» федералдыг төлевилелди боттандырары-биле, апрель 15-тен май 31-ге чедир чаагайжыдылга объектилери дээш https://za.gorodsreda.ru/. шөлчүгешке ээлчеглиг бүгү-российжи онлайн-бадылаашкынны чорудар.
Күрүне ачы-дузазының порталында бүрүткеткен болгаш шынзыттынган арынныг, 14 хар четкен, хамааты бүрүзү боттарының шилилдезинге үнүн бээр аргалыг. Киржикчи кижи чүгле чаңгыс девискээрни шилип, ол дээш боду үнүн бээр.
Интернет таварыштыр бадылап шыдавас кижилерге эки турачылар дузаны кадар. Олар бадылаашкынның билдингир хөй-ниити черлеринге ажылдап, күзелдиг улуска канчаар бадылаарын тайылбырлап, планшеттери азы смартфоннары таварыштыр таныштырар.
«Национал мурнады боттандырар угланыышкыннар» автономнуг коммерциялыг эвес организация, бадылаашкынның үделгезин чорудар, информация кампаниязының оператору болур.
«Таарымчалыг хоорай хүрээлеңин тургузары» деп федералдыг төлевилел 2017 чылдан боттанып эгелээнин сагындыраал. Бо төлевилелдиң ачызында республиканың хоорай, суурлары чаагайжытынып турар.
Полпред на встрече с руководителем Управления Росреестра по Новосибирской области: «Недвижимость для людей – основа стабильности»
Полномочный представитель Президента Российской Федерации в Сибирском федеральном округе Анатолий Серышев провёл рабочую встречу с руководителем Управления Федеральной службы государственной регистра…