Эржейде чаа культура бажыңы удавас эжиктерин ажыдар

Каа-Хем кожууннуң чедери берге Эржей суурда «Сорунза» төлевилели-биле туттунуп турар көдээ культура бажыңы доостур чадазында. Оран-сава удавас эжиктерин ажыдар. Эржейжилер ук болуушкунну четтикпейн манап турарлар.

Бөгүн суурда 309 кижи чурттап турар. Эржейжилерниң база бир чидиг айтырыы – энергия хандырылгазының үзүктели бээри. Ынчангаш олар чугула херек электри херекселдерин ээлчежип ажыглаар турган.

Тываның Баштыңының даалгазы-биле электри дамчыдар агаар шугумнарын чаарткан, дузалал станцияны тургускан, чагыларны солаан, кудумчу чырыдылгазын кылган.

Эржейде көдээ культура бажыңындан аңгыда 60 олуттуг амгы үениң уруглар садының тудуу база дооступ турар.