Эт-хөреңги дээш үндүрүглерни үе-шаанда төлээри чугула

Бии-Хем кожуун чагыргазының саң-хөө эргелели эт-хөреңги дээш үндүрүглерни үе-шаанда төлээри-биле албан черлери болгаш сумулар аразынга мөөрейни чарлаанын Аржаан сумузунуң чагыргазы дыңнаткан.

Аржаан ортумак школазының коллективи албан төлээр чыылдаларны хуусаа бетинде төлеп, чаңгыс чер-чурттугларынга үлегер-чижээн көргүзүп, үндүрүглер төлээринче кыйгырган.

Чаа өөредилге чылында школаның аныяк удуртукчузунга математика башкызы Алла Байкара томуйлаткан. Коллективинде 55 ажылдакчы бар. Өөреникчилерниң саны – 136.

Декабрь 1-ге чедир чурттакчы чон эт-хөреңги дээш үндүрүглерин төлээрин сагындыраалы. Федералдыг үндүрүг албанының Тыва Республикада эргелели nalog.gov.ru сайтыда “Үндүрүг төлекчизиниң хууда кабинединден” азы gosuslugi.ru “Күрүне ачы-дузазы” порталындан азы үндүрүг органындан чеже акша үндүрүг төлээрин билип ап болурун сагындырып тур. Ол ышкаш тодаргай медээни чаңгыс аай харылзаа-төвүнүң 8-800-222-2222 дугаарлыг халас долгаар телефонундан билип ап болур.