«Чаңгыс демниг Россия» партия биле «Тиилелгениң эки турачылары» шимчээшкининиң идепкейжилери Ада-чурттуң Улуг дайынының хоочуннарынга байыр чедирип, белек-селекти тыпсып, фронтучуларның чурттап турары бажыңнарының баарынга чыскаалды эрттирип турар.
Ол ышкаш Ада-чурттуң Улуг дайынының киржикчилериниң акы-дуңмалышкы чевег-хөөрүнге болгаш тураскаалдарынга чечектер салыр езулалды эрттирер. Дайынчы эш-өөрүнүң тураскаалын сактыр езулалга киржир шинээ чок фронтучуларның орнунга олар чечектерни салырлар.
Күзелдиг кижи бүрүзү хоочуннарга чагааны бижип болур, «Тиилелгениң эки турачылары» оларны адрестээн кижилеринге чедирип бээр. Ол ышкаш партияның, «Чаңгыс демниг Россияның Аныяк гвардиязының» идепкейжилери Ада-чурттуң Улуг дайынының киржикчилериниң болгаш инвалидтериниң бажыңнарының чанында херим иштин аштажыр, соңгаларының баарынга чечектерни тарыыр.
Оон аңгыда, «Чаңгыс демниг Россия» биле «Тиилелгениң эки турачылары» ол үениң маадырларынга болгаш болуушкуннарынга тураскааткан тураскаалдарга, а ол ышкаш дайынчы чевег-хөөрлерге чаагайжыдылга ажылдарын чорудар.
Дайын киржикчилериниң болгаш хоочуннарның, тылдың ишчилериниң төрээн чуртун немец фашизмден хостажыр дээш канчаар тулчуп чораанын, тиилелгени кандыг өртек-биле чедип алганын төөгүге арттырары бистиң хүлээлгевис.
Аар-берге дайын чылдарында тыва эки турачыларның маадырлыг чоруу Тыва биле Россияны улам чоокшулаштырып, акы-дуңмалышкы чорукту быжыглаарынга улуг рольду ойнаан. Маадырларның чырыткылыг овур-хевири езулуг найыралдың болгаш дузааргак чоруктуң үлегер-чижээ болган.
Соцфонд Тувы проактивно оформил более 500 сертификатов на материнский капитал в 2024 году
С 2007 года реализуется программа материнского капитала. Это мера государственной поддержки российских семей с детьми.