Тывада ном саңнарының үндезин септелгези уламчылап турар. Солчур суурда үлегер-майыктың ном саңын ажыдарынга белеткенип турарын чагырга чери дыңнаткан.
«Өг-бүле» национал төлевилелдиң ачызында күрүне кызыгаарының чоогунда Солчурда ном саңы эде чаартынган.
Солчур суму чагыргазының даргазы Аржаана Самбуу Өвүр кожууннуң Монгуш Доржу аттыг үлегер-майыктың төп ном саңының салбырын август 22-де байырлыг байдалга ажыдарын дыңнаткан. Амгы үеде планнаттынган шупту ажылдар доозулган.
Чурттуң культурлуг хүрээлеңин хөгжүдеринче болгаш аңгы-аңгы назы-харлыг кижилерни культурлуг үнелиг чүүлдерже хаара тудар сорулгалыг «Өг-бүле» национал төлевилелдиң «Өг-бүлениң үнелиг чүүлдери болгаш культура инфратургузуу» федералдыг программазы езугаар ном саңнарының эде чаартылгазы 2025 чылдан чоруп турар.