Өг-бүлелерге хөй ажыл-чорудулгалыг төп

Тываның Баштыңы Владислав Ховалыгның даалгазы-биле Кызылда «Мээң өг-бүле төвүм» деп хөй ажыл-чорудулгалыг төптү ажыткан.

Дуза хереглеттинип турар ажы-төлдүг өг-бүлелер чаа ажыттынган төпке юридиктиг, психологтуг база социал айтырыглар талазы-биле бүгү талалыг дузаны, медээни болгаш арга-сүмени алыр аргалыг апарган.

ТР-ниң күш-ажыл болгаш социал политика сайыдының оралакчызы Чечена Дудуптуң дыңнадып турары-биле алырга, төпке келген кижи бүрүзүнүң нарын айтырыын шиитпирлээри-биле оларга бот-тускайлаң картаны, чогуур албан черлериниң тускай мергежилдиглери маршрутту тургузар.

Ук төлевилелди РФ-тиң Күш-ажыл яамызының бадылаан дужаалы езугаар өг-бүлелерге социал ачы-дуза чедирилгезин чедимчелиг болгаш шынарын экижидери-биле боттандырганын оралакчы сайыт демдеглээн.

Төптүң адрези: Кызыл хоорай, Калинин кудумчузу 1Б. Харылзажыр телефону: 8 (394 22) 2-17-44.