Григорий Ширшинни Найырал ордени-биле шаңнаан

Улусчу чогаадылга бажыңынга көскү күрүне ажылдакчы, Тыва Республика Ордениниң ийи дакпыр эдилекчизи Григорий Ширшинниң 90 харлаанынга тураскааткан байырлыг хурал болуп эрткен.

Григорий Чоодуевичиниң мугур 90 харлааны ССРЭ-ниң хүрээлеңинге Тыва Арат Республиканың эки тура-биле бактаап киргениниң 80 чылдаанының байырлалында чугула болуушкуннарының бирээзи. Ол Тываның социал-экономиктиг хөгжүлдезинге киирген улуг үлүг-хуузун киирген онзагай кижилерниң одуруунче кирген.

Россияның Президентизи Владимир Путинниң Чарлыы-биле, Григорий Ширшинни Найырал ордени-биле шаңнаан. Шылгараңгай күрүне ажылдакчызынга шаңналды Тываның Баштыңы Владислав Ховалыг тыпсып, байырын чедирген.

Найырал ордени – чоннар аразында тайбыңны болгаш эп-найыралды быжыглаарынга, үлетпүр болгаш көдээ ажыл-агыйында чедиишкиннери, ол ышкаш кадык камгалалын, өөредилгени, эртемни, культураны хөгжүдеринге база өске-даа чүүлдерге онза ачы-хавыяазы дээш тыпсыр Россия Федерациязының дээди күрүне шаңналы болур.

Григорий Ширшин1973 чылда СЭКП-ниң тыва обкомунуң бирги секретарынга томуйлаткаш, 18 чыл ажыр республиканы удурткан. Ооң ады «XX чүс чылда Тыв аның алдарлыг кижилери» деп күрүне номунче кирген.

Шылгараңгай күрүне ажылдакчызының күш-ажылчы болгаш амыдырылчы оруунга тураскааткан делгелгени чыылган чон улуг сонуургал-биле көрген. Байырлал республиканың билдингир артистериниң концерт көргүзүү-биле доозулган.