Тываның найысылалында хөй-ниити транспортунга «Тройка» картаны ажыглалче киирген. Хөй-ниити транспортунга эптиин көргүскен транспорт картазын ам Тывада ажыглап эгелээн.
Эрткен күзүн республика Чазаа биле Ажаалга банкызының аразында ат салган дугуржулгазының бир пунктузу езугаар «СберТройка» орук төлевир системазын киирген. «Тройка» тыва карта ийи аңгы хевирде каастаттынган: классиктиг база Тыва Республикага аңгы.
Эрткен чылдың октябрьда Тываның найысылалынга хөй-ниити транспортунга картаны шенээн. Тываның Баштыңы Владислав Ховалыг чаа автобустарга «СберТройканы» шенеп ажыглаарын чүүлдүгзүнүп, пассажирлер аргыжылгазының системазын эде чаартыр ажылдарга ол чугула рольду ойнаарын демдеглээн.
«Тройка» транспорт картазын ажыглааш, саазын билеттер парладырындан ойталап болур деп, Ажаалга банкызының Сибирь банкызы тайылбырлаан. «Моя тройка» база «Метро Москвы» капсырылга таварыштыр – онлайн азы бүгү чуртта Ажаалга банкызының кайы-даа банкоматтарындан картаны долдуруп алыры эптиг.
– Кызыл хоорайның чурттакчы бүрүзү база аалчызы хөй-ниити транспортунга «Тройка» картазы-биле санажып болур. Ийи-чаңгыс азы 30 азы 60 катап чоруурунга абонентини садып алыр.
«Тройка» картаның ажыглакчызы пассажирлер lkp.sbertroika.ru сайтыда хуу кабинеттен аай-дедир чоруп турганын көрүп, орук төлевириниң чегин хынап, банк картазы-биле өрезин дуглап, доктаа-хуудустан банк картазын ап кааптары эптиг – деп, Ажаалга банкызының Кызылда салбырының башкарыкчызы Алина Таспанчик дыңнаткан.
Бежен рубль өртектиг «Тройка» картазын Дружба кудумчузу, 55 деп адресте «Автоколонна 17» транспорт компаниязының кассаларындан садып ап болур.
Житель Тувы престанет перед судом за содержание притона
Дознаватели УМВД России по г. Кызылу окончили производство по уголовному делу в отношении жителя г. Кызыла, обвиняемого в совершении преступления, предусмотренного ч. 1 ст. 232 УК РФ (Систематическое…