ТР-ниң Одалга болгаш энергетика яамызының дыңнатканы-биле алырга, республикада амгы үеде 25 хөмүр-даш хөмүр-даш шыгжамырлары бар.
Кыш уткуй хөмүр-даш шыгжамырларының оран-савалары белен, чамдыызында хөмүр-даш килдээр улуг деңзилерни септеп-селип, долгандыр херимин быжыглап, чырыдылгазын экижидип турар.
Эрткен неделяда чамдык шыгжамырларже кадыг одаар чүүлдү чедирип эгелээн. Чадаананың болгаш Каа-Хемниң хөмүр-даш уургайлары шыгжамырларга курлавырлаар хөмүр-дашты берип эгелээн – одалга сезонунуң эгелээринге чедир хөмүр-даш курлавырларын тургузуп четтигер ужурлуг.
Хөмүр-даш өртээ эрткен чылдың деңнелинде хевээр арткан, хөмүр-даш уургайында бир тоннада 2220 рубль, хөмүр-даш шыгжамырындан садар өртээ Тыва Республиканың Чазааның доктаалы-биле тодараттынар болгаш шыгжамырның турар черинден (орук чарыгдалдары дээш оон-даа өске чүүлдер көрдүнген болур) хамааржыр.
Бо чылын Тываның Чазаа Тываның даг-руда компаниязы-биле кады тус-тус кижилерге «кара алдынны» садарын хынаарының системазын ажылдап кылган. Чаа система езугаар чиижең садыгжыларга чонга садар хөмүр-дашты улаштыр 700 рубльге аартадып алгаш, албан черлеринге садып-сайгарар чоруунга доктар-моондак болур ужурлуг.
Кызылский транспортный техникум отметил 60-летний юбилей
60 лет исполнилось Кызылскому транспортному техникуму.