Амгы үеде Тывада 36 одаар чүүл шыгжамырының 19-зу ажылдап турар. Республиканың кожуун, хоорайларында шыгжамырлар катап ажыттынып, ажылын эгелээн.
Хөмүрнү чиигелделиг өртекке канчаар садып ап болурул?
Чиигелделиг одаар чүүлдү садып алырда, баштай «Хөмүр продукциязы» деп күрүнениң информация системазында хууда кабинедиңер таварыштыр тускай QR-кодту алыр силер: cpgu.rtyva.ru/web/guest
QR-кодту алырынга бергедээшкиннер тургустунуп кээр болза, Хөй ажыл-чорудулгалыг төп азы тус черниң чагыргазы-биле харылзажыр.
ТР-ниң Тарифтер албан чериниң дыңнатканы-биле алырга, Тываның Чазааның 2010 чылдың май 21-де № 212 доктаалы-биле бадылаан хөмүр-дашты үүрмектеп садар өртектер чурттакчы чонга күштүг хевээр арткан.
«Тываның даг-руда компаниязы» кызыгаарлаан харыысалгалыг ниитилелдиң чурттакчы чонга садып турары хөмүр-даштың өртээ Каа-Хем биле Чадаананың уургайларында тоннада 3045 рубль 57 копеек.
ТР-ниң Энергетика болгаш чуртталга-коммунал ажыл-агый яамызының «изиг шугум» телефону
8 (39422) 5-15-49.