ТР-ниң Күрүнениң юридиктиг бюрозунуң юристери Нотариалдыг палатазы-биле кады Бии-Хем кожууннуң чедери берге Хүт сумузунче үнүүшкүнү чорутканын бюро дыңнаткан. Олар хүтчүлерниң билдириишкиннерин сайгарып, халас юридиктиг дузаны көргүскен.
Дилег киирген хамаатыларның кол айтырыглары – күүселде херектери, чуртталга оран-савазын хуужудары, салгал дамчыыр өнчү-хөреңги, чер дээш оон-даа өске.
ТР-ниң Юстиция яамызы тус чер бот-башкарылга органнарынга болгаш чонга юридиктиг дузаны халас чедирери-биле республиканың өске-даа яамыларының болгаш албан черлериниң төлээлериниң кожууннарже үнүүшкүннерин организастап турарын демдеглезе чогуур.
Эрткен чылын юристер бөлүү Сүт-Хөл, Мөңгүн-Тайга, Тожу, Өвүр, Чөөн-Хемчик, Тере-Хөл кожууннарның 120 хире чурттакчызынга дузалаан.