Улуг-Хем кожууннуң Чааты сумузунуң Хараар-Тей деп бурунгу улуг оваа эдээнге республика чергелиг «Хараар-Тейге эр кижиниң үш адааны» деп алыш-бериштиг адаан мөөрей бедик деңнелге болуп эрткен.
Мөөрейниң кол эрттирикчилери – Тыва үндезин культура төвү, Улуг-Хем кожууннуң Чааты сумузунуң чагыргазы болгаш Чаатының адалар чөвүлели.
Тыва эр кижиниң үш адааны – өгбелеривистиң эр кижиниң иштики сагыш-сеткилин сайзырадыр, дадыктырар болгаш чөптүг чорукка ынак болурунга кижизидип чораан хей-аът киирер мөөрейлерниң бирээзи.
"Тыва ча адар оюн: баг адар хевири" мөөрейге бирги черни Эрес Ооржак (Барыын-Хемчик), ийиги черни Олег Чанчып (Улуг-Хем), үшкү черни Арсен Монгуш (Чөөн-Хемчик) чаалап алган.
14-18 хар назылыг оолдарның хүрежинге бирги черге Онзагай Ооржак (Сүт-Хөл), ийиги черге Белек Монгуш (Чөөн-Хемчик), үшкү черге Эртине Түлүш (Хайыракан) төлептиг болган.
2014-2017 чылдарда төрүттүнген оолдар аразынга хүрештиң үш шыырак мөгези: Чойган Чозуту (Иштии-Хем), Каң-Болат Болат-оол (Улуг-Хем), Уран-Даш Шойдаа (Улуг-Хем).
Чарыш аъды салыр маргылдааны богбалардан эгелээн. Ук чарышка бирги черни Дмитрий Оюннуң (Чеди-Хөл), ийиги черни Алдын-Херел Дондуптуң (Бии-Хем), үшкү черни Саян Ондарның (Сүт-Хөл) чүгүрүктери тус-тузунда чаалап эккелген.
Аныяк чүгүрүк аъттар: Чечен-оол Ондар (Чөөн-Хемчик), Роман Сегбе (Бай-Тайга), Аяс Дөнен (Улуг-Хем).
Улуг чүгүрүк аъттар: Батый-Хаан Тойбу-Хаа (Бай-Тайга), Мерген Сотпа (Чеди-Хөл), Валерий Оюн (Таңды).
Тыва аъттар: Владимир Санчы (Торгалыг, Улуг-Хем), Владислав Оюн (Таңды), Эдуард Санчы (Ийи-Тал, Улуг-Хем).
Аныяк чоруктуг аъттар: Орлан Санчы (Улуг-Хем), Валентин Даваа (Каа-Хем), Шолбан Ондар (Танды).
Улуг чоруктуг аъттар: Сүлдем Сотпа (Ак-Тал), Айдыс Салчак (Сукпак),
Алексей Бады-оол (Сукпак).
«Хараар-Тейниң кашпагайы» деп атка Каа-Хем кожуундан Алексей Ооржак төлептиг болган.
#Тываүндезинкультуратөвү #Улуг_хем кожуун #Чааты #Хараар_тей #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
