Хой кыргылдазы, социал керээ болгаш дүк болбаазырадыры

Чөөн-Хемчик кожууннуң Баян-Тала сумузунда социал керээ киржикчизи Кудажы Куулар баштаан 10 кижиден тургустунган бригада малчыннарның аалдарынга чедип, хой кыргылдазын чорудуп турар.

Тываның аңгы-аңгы кожууннарында хой кыргыыр бригадалар социал керээ дузазы-биле ажылдап эгелээни өөрүнчүг. Бир талазындан, сезоннуг-даа болза чонга ажылчын олуттар тургустунуп турар. Өске талазындан, малчыннарның бир чымыштыг үүлези-хой кыргыырынга дуза кадары буянныг болбайн аан.

Олар хой кыргыкчылары-биле акша-биле-даа, шээр мал бажы-биле-даа санажып ап болурлар.

Тываның Баштыңы Владислав Ховалыг «Дүк» дээр чаа губернатор төлевилелин амыдыралга боттадырарын чедип ап турар. Ол программаның эге чадазы- шээр малдың-өшкү, хойнуң дүгүн үезинде болгаш чидириг чок кыргып алыры болур.

Улаштыр ол кыргаан дүктү болбаазырадыр бүдүрүлге ажыдарын база чазак-чагырга планнап турар.

Мерген Кыргыс

#Чөөн_хемчиккожуун #Баян_Тала #Социалкерээ #Дүк#ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews